E radiosiinjing "Nais foon diling" brängt arken däi foon moundi bit fraidi aktuäle tisinge üt Nordfraschlönj än trinambai. E siinjing låpt aw Friisk Funk (96,7 MHz önjt norden / 98,80 MHz önjt sööden foon NF) än aw SYLTFUNK - Sölring Radio (88,1 MHz än 100,3 MHz). Aktualisiird wårt åltens warkeldäis twasche kl.09:00 än 10:00 d.m. Copyright: Alle auf dieser Webseite veröffentlichen Beiträge und Audiodateien sind urheberrechtlich geschützt. Jede vom Urheberrechtsgesetz nicht zugelassene Verwertung bedarf vorheriger Zustimmung der Friisk Foriining.

11.11.21, 09:51:17

Nais foon diling, 11.11.2021


Download (3,5 MB)

Nais foon diling
We hääwe törsdi, di 11de önj e mistmoune

Nüüdjfål
Eefter en ütfål mårling gungt e nüüdjfålnumer 112 nü wider. Dåt diiljden da regjonååle politii-liidjstäänge ma. Awfoorie wus e nüüdjfålönjslus uner 112 önj hiilj Slaswik-Holstiin ütfeelen. Am e grün as nuch nintre bekånd.

Corona
Ministerpräsident Daniel Günther wal diling tuhuupe ma sünhäidsminister Garg än finansministerin Heinold am e aktuäle pandemiilååge önj Slaswik-Holstiin spreege. Iirjörsne wus e önjtål foon naiinfeksjoone ma 611 fåle ärj amhuuch schin, e loonswid insidäns lait nü bai 82,2 fåle aw 100.000 inboogere. Saandi luupe da aktuäle räigle üt, bit heertu jült önj sline rööminge 3G.

Sailboon
Di boonferkiir eefter Sal stalt åltens wi en probleem for pendlere än tuuriste deer. En bekand sailboonunernaamen wal nü et ailönj Sal ouer en sailboon ma e fååstewål ferbine, sü dåt huum intwasche ma en säsellift twasche Muasem än fååstewål jant än jurt räise koon. Luupe schal e lift ma gräine struum.
Iir et süwid weese koon, schal ouers nuch ma gemiinde, kris än lönj ferhooneld wårde, hätj et foon e firma.

Wääder, wååder än moune
Diling blaft et gra ma temperatuure bit süwat 11 grood bait wååder. E win wait frisch foont weesten, rin san we ai fermousem bit aw hu droope heer än deer di formadi. Mjarne blaft et äänlik.

Da näiste biise tunge huuchwååder önj Doogebel foue we eeling am 5 minuute for soowen än dan wi mjarne eeder am 15 minuute ouf soowen.
E moune namt tu.

Än tuleest nuch et frasch uurd foon diling:
dåt doof:
Et doof as en schüü üt moolke än meel, wat huum for stoowede buune unti kantüfle brükt. Et doof.

En tiinjst foon e
Friisk Foriining
www.friiske.de

NaisFoonDiling



08.11.21, 09:13:11

WICHTI: We san fleet!


Nais foon diling schaölj fleete tu en oudern podcast-host. Ouf nü önj fine jam üs uner:
nais.buzzsprout.com

NaisFoonDiling